Xa é posible descargar o prólogo de The Last of Us
venres, 14 de febreiro do 2014
Hoxe
chegou á PlayStation Store o capÃtulo descargable Left Behind para o videoxogo The
Last of Us, que en vez de continuar a historia dun dos mellores xogos para
PlayStation 3 de todos os tempos, narra a vida dunha das súas protagonistas,
Ellie, antes dos acontecementos vistos no xogo. Esta
descarga véndese por 14,99 euros e precisa do xogo principal para poder
funcionar e contan con voces e texto en varios idiomas entre os que non faltan
o portugués e o español.
Nesta especie de prólogo Naughty Dog lévanos a explorar a relación de Ellie con
Riley, a súa mellor amiga no internado militar no que se criou. A aventura
comeza cando, tras unha desaparición de Riley durante dúas semanas, esta volve
cunha revelación sorprendente, tras o que foxen do colexio por derradeira vez,
desencadeando unha serie de acontecementos que cambiarán as súas vidas para
sempre.
Trailer de lanzamento de Left Behind para The Last of Us
