Teremos Company of Heroes 2 a finais de xuño

SEGA anunciou hoxe que o xogo de Relic Entertainment Company of Heroes 2, que pretendía pórse á venda a primeiros de ano, chegará finalmente ao mercado o 25 de xuño, procurando manter o nivel de esixencia da súa anterior entrega e facendo uso do Essence 3.0 Engine e do sistema climatolóxico ColdTech consegue achegar unha experiencia de estratexia en tempo real nunca vista.
Cómpre lembrar que este xogo pertencía a THQ, compañía que acolleuse á bancarrota e rematou vendida por partes, polo que máis que un adiamento deste xogo para PC e Mac estamos ante a súa resurrección, para tranquilidade dos seus moitos seareiros, que nesta nova entrega poderán situarse na fronte oriental da Segunda Guerra Mundial, tomando o mando das forzas rusas na súa loita contra os nazis.
Nos vindeiros días darán detalles sobre a beta pechada do xogo que axudará a probar e balancear o modo multixogador deste título.

Trailer do modo multi-xogador de Company of Heroes 2