Sancionan a Telefónica por dificultar aos seus competidores a comercialización de ADSL sen teléfono

A Comisión do Mercado das Telecomunicacións (CMT) autorizou a Telefónica a ofrecer acceso a Internet a través de DSL sen precisar de dar servizo de voz na mesma liña mediante o que se coñece coma naked ADSL, o que deberían poder facer outras operadoras dende hai meses, e por colocar Telefónica numerosos atrancos rematou valéndolle unha sanción de 1 millón de euros.
En abril, a CMT aprobou unha resolución a partires dunha denuncia de Vodafone na que instaban a Telefónica a pór a disposición dos seus competidores unha solución automatizada que lles permitise ofrecer aos seus abonados Internet indirecto sen teléfono. A reacción de Telefónica foi bastante lenta, e a CMT estipulou sancionar á operadora con 10.000 euros por cada día de demora no cumprimento da anterior resolución, chegando a sumar o millón de euros de sanción mencionado.