SanDisk anuncia unha tecnoloxía que podería acelerar as unidades SSD ata 100 veces

Os discos duros de memoria de estado sólido teñen como vantaxes fronte aos discos duros unha velocidade de acceso máis rápida, un nivel de ruído imperceptible e un baixo consumo, polo que serían ideais para o seu uso en portátiles, pero as unidades que se comercializan actualmente non están a destacar por cumprir con estas características teóricas, e amosan un rendemento bastante semellante aos discos duros tradicionais, o que SanDisk pare querer corrixir coa tecnoloxía ExtremeFFS que podería chegar a acelerar ata 100 veces a escritura aleatoria en unidades SSD nos sistemas operativos actuais empregando un algoritmo baseado en paxinación (almacenando os datos nos sectores que sexan máis convenientes e eficientes), empregando unha arquitectura sen bloqueos (para que as canles NAND operen independentemente, de xeito que se poderían efectuar lecturas á vez que se escribe ou se recolle o lixo) e se inclúe tamén un sistema para recoñecer os patróns de uso do usuario, situando os datos máis utilizados en localizacións máis accesibles.