O sobresemento das actuacións contra Sharemula.com confirma que o P2P non é delito

En outubro de 2006 a Brigada de Investigación Tecnolóxica (BIT) detivo ós responsables de web sharemula.com e solicitou ó Xulgado o peche cautelar a web que incluía ligazóns a ficheiros compartidos a través dunha rede P2P, o que provocou grandes titulares na prensa dando a entender que se desarticulara unha organización clandestina dedicada a ofrecer descargas piratas de películas e se aseguraba que o intercambio en redes P2P era constitutivo de delito (mentres que a Circular 1/2006 da Fiscalía Xeral do Estada indicaba todo o contrario), pero agora os xuíces parecen dar a razón ós acusados, e o Xulgado de Instrución nº 4 de Madrid decidiu o sobresemento das actuacións contra sharemula.com.
Esta decisión xudicial súmase a outras causas semellantes (como as de ajoderse.com e todocaratulas.com) que reafirman o feito de que sempre que non haxa ánimo de lucro o uso de redes P2P non constitúe delito algún, e as páxinas que fomentan o seu uso tamén se libran porque non albergan nin difunden as obras suxeitas a dereitos de reprodución, xa que só distribúen a información que permite ós usuarios chegar ós contidos e non supondo unha comunicación pública dos mesmos.