No outono verá a luz Guitar Hero: Warriors of Rock

Os xogos musicais están de volta, e prometen distintas entregas para o que resta de ano, pero o título que ata o momento coñeciamos coma Guitar Hero 6 finalmente terá un nome distinto, que será Guitar Hero: Warriors of Rock e que xa pode reservarse na tenda en liña Amazon nas súas versión para Wii, Xbox 360 e PS3, tanto soltos coma con instrumentos.
A data de lanzamento deste novo xogo de Activision sería o 21 de setembro, pero polo momento non hai datos oficiais sobre este título, especialmente no tocante á súa comercialización europea (normalmente as datas de lanzamento a este lado do Atlántico están bastante distantes, aínda que o normal sería ter este título en España a tempo para a tempada de Nadal).