Mala acollida da PSPgo no Xapón

As compañías fabricantes de hardware parecen decididas a que o futuro das consolas de videoxogos estea orientado ás descargas dixitais, pero os consumidores resístense a abandonar os soportes físicos, como parece se vemos as vendas da nova consola portátil de Sony, a PSPgo, que no Xapón tivo que conformarse con vender 28.275 unidades no día do seu lanzamento, o que podería parecer un bo resultado se non tivésemos en conta que a PSP orixinal colocou 171.963 unidades o primeiro día no Xapón, a Nintendo DSi vendeu 170.000 unidades nos primeiros 2 días á venda e a PSP-3000 vendeu máis de 140.000 unidades nos 4 primeiros días.
Estes resultados sorprenden especialmente polo feito de que as unidades UMD non conseguiron calar no público (especialmente como soporte de vídeo), de aí que o fracaso do primeiro intento de prescindir deste tipo de discos resulte un tanto curioso (aínda que o excesivo prezo da PSPgo e os seus xogos podería ser un factor chave na súa mala acollida).