Amazon.es facilita copias dixitais dos discos de música que merquemos en soporte físico

Como incentivo, tanto para a compra de música en soporte físico como para o uso de plataformas musicais baseadas na nube Amazon estrea en España o seu servizo AutoRip, que consiste en que cando unha persoa adquire un CD ou disco de vinilo en Amazon.es recibirá de balde a música adquirida en formato MP3, evitando a molestia de ter que ripear as cancións ao ordenador, coa vantaxe adicional de poder reproducir a música dende a nube a través de Cloud Player, o reprodutor musical de Amazon que está dispoñible a través de web e para dispositivos móbiles cos sistemas operativos iOS e Android.
Entre as vantaxes de AutoRip están que é posible escoitar a música que merquemos en disco antes de recibir o pedido na casa, evitamos ter que copiar os nosos discos no PC, podemos acceder á versión MP3 de compras en Amazon.es anteriores ao lanzamento deste servizo e podemos gozar da nosa música en mobilidade.